SAJAK ORANG DARAT (1)

Sajak baru saya berjudul
Wokil rakyat
(garapan dari cetusan hati manusia yang tidak punya Kudrat menyalurkan suara hati atas nama rakyat)

kawe ni wokil rakyat
demo seremo tau doh kalu pun tak ghoyat
jange maghi dekat
kawe tak tahan bau jebat
demo seremo oghe darat
di tapak kaki ada puru atah belakang ada kurat

nak ajak kawe melawat
demo seremo hak dipangge rakyat
kena jamu makan bare sedat-sedat
sakat singge ikan selat
pucuk ubi kayu celur cicah sambal ppijat
kawe tak pelahat
demo semua kena tau darjat
kawe ni wokil rakyat
demo takpolah makan nasi gaul kicat makan tak sedat
bakar tawar ike sepat ule pucuk putat
makuk budu lepah petat...petat
mugo demo seremo oghe darat
tengok wokil rakyat pun muka jadi pucat
kalau pun yang jerkah hanya drebar wokil rakyat
demo buleh terkecin dale kain tak tau bila nak sejat.

mucung paip tok tubik air jange dok ghoyat
kalu tubik jare-jare pun air kkarat
pitih RM600 juta gi mmano bukan kkijo rakyat dok cari kedat
jange dok ddoli gat
nyo buat ilat kot juring mano hingga masalah air terus ssumbat
jange cepelag nak ambik tau ke mulut sapo disumbat padat
mugo demo seremo oghe darat
kalu habih hebat
masuk dewan undenge negeri atau dewan rakyat
hanya sebagai pelawat
mana hebatnyo demo seremo sebagai rakyat
tak mace kawe wokil rakyat
sokmo-sokmo tidur jenero make sedat
nak ambik ccaro rakyat tak berapo pelahat
jadi tok wokil sepenggal pun tak apo pencen akan dapat
rakyat tokleh sekat
cidik sapo antara demo seremo sebagai rakyat
dengan kawe sebagai wokil rakyat?

Kota Bharu,
Kelantan 18/10/2011