Lade Rakyat
ulu ilir timur barat lade rakyat
kebun getah, kebun duye, dokong, moktan duku lasat
kena sodok abih perat
air mata, peluh dan keringat rakyat
tak rok nak lawe lade rakyat
mugo hok dok alit lade rakyat
puak-puak wokil rakyat
hok pilih pulok adalah rakyat.
sakit urat sakit belikat
guna kapak, parang dan sadat
kerah kederat
masuk hutan keh toksir idup melarat
nak ngadu ko wokil rakyat
lepas mene pilihe rayo hile sat perat
mulo pakai motsikal buruk dan berkarat
lloni ppakat pakai kereto sedat
bbini 4 mugo biso bekecek dan jjanji ilat.
dah mula boleh makan hasil kederat
pohon duyan, moktan, dokong, duku lasat bbuah lebat
getah pun boleh toreh kalu kedat-kedat
nyo sodok abih perat
atah namo jut-mokjut lade rakyat.
namo molek lade rakyat
mace lade milik sekalian rakyat
tapi hok dok sodok kebun rakyat
kebun getah, kebuh duye, kebun moktan, kebun dokong, duku, lasat
sapa jane likat
oghe-oghe mata sepit lu-gua punya cekat
payah nak pehe kito puak-puak oghe darat
hok dok raso tapi bokali cerat
lade rakyat hanya alat
nyo sanggup wat nyayo ko rakyat
kebun dan dusun nyo sodok perat
baso menate keparat.
lade rakyat untuk rakyat
atawo jut-mokjut minum daroh rakyat
demo puak-puak wokil rakyat
keno tulung ghoyat
jange wi kawe puak-puak oghe darat
ppakat sepat
pilihe rayo koho dekat
mari jjupo buat minta undi gat
puak kawe buwi penyekeh kalu pun tak sepat
atawo kawe suruh demo minta undi dari lade rakyat
kita ppakat tengok kelih boleh lagi ko demo jadi wokil rakyat
hok buke nok tolong rakyat
tapi dok isi perut sediri dan kronik ketat-ketat.
demo boleh la kato berkecek ikut sedat
puak kawe teroko tanoh secaro hare mugo demo wokil rakyat.
acu demo buat mmolek suruh rakyat idup sedat
tokke ada puak-puak kawe pelahat
masuk hute berpere denge pacat
kalu doh idup sedat
boktan berkat lade rakyat dan wokil rakyat.
ulu temiang
september 2011
Tiada ulasan:
Catat Ulasan